Ménggésunam Mimag kaiya

 

Ménggésunam Mimag kaiya

 

Mg kondar kari

 

Yubdíko yuptagbong kinsutobong

Nok lambédok gíla amme gíbatkang

Nok yubjondémsin urroptobong

Yubbadgom magya:némpé mé:dag.

No atérong émna mé:suyok

Nommíng gésula  létíg lakpang bu:tala

Sí:sa:n ya:me: mimbíré sí:sa:dung

A:ng píta-pitala.

Miksé réjin réjinna ka:la dung

Takirém medjusula toya:la dung

Nores ,Boga Anjonangké sinan arédém,mala

Ka:bektila dung nok alagdém angngara:pé .

Gergappo:tokuk nok gerténg agérém  

Dungko among, dírbí,agom kapé idu:n arodém

Jé,:la: jé:la lutok ménggésunam Mimag kaiya.

Émmam kapéiyén kindang kaiya

No lékoda ansíng mala ursukumilo

Bornoi Obonori kekon-kesagdo

Odiyang, buroli pígo pígo do banggong banggo:la ursu begyéku

I: a:nédo, I:yyé usa:la dung ugnotsupéké

Dorbompéké réngamsém

I:yyé, íyém pílíg pílígla monam mimaksé

Ma:nyí:pé ipéké Mimag kaiya.