Misíng Agom

 

Misíng Agom

 

✍️ Abani Mili

 

 

Ngoluk Misíng ara:so bojéko

Migom  donéko  kapa:yé ,

Misíng agom léga:pé

Potin  adnéko lenpa:yé .

 

Silo Misíng kabdaggom

Amme kabmín bima:yé ,

Aíé gílén suma:mílo

Amme soríg-suma:yé  .

 

Pa:ta:dok ongodé

Asi kama:m siyené ,

Aíé pori-suma:mílo

Misíng agom yogyéné .

 

Guni: aríg ige:la

rígu moma:m yumra:yé,

Misíng agom luge:la

adgab-ma:mílo yoga:yé.

 

Bottapé  poné kama:pé

kapé roked molen-yen?

Misíng abíg kinma:pé

kapé agom adlen-yen?

 

Kerasiné kama:mílo

dortí:ma:yé Saki:dé,

Adgabla méma:mílo

du:tíma:yé agomsé.

 

Kajé ngoluk réngama

Misíng agom lutílai

Na:néké gomug adgabla

Mé:po-sakpola turkílai