Yabrung

 

Yabrung

 

Bhabesh Daríg

 

Appíng okumdoi yabrung du:do

Ake okumdo bornyipé

Akedo borpi:-borngopé

 

Okumlo yabrung lígma:mílo

Ansí:n ésaré sara:mang

Lottadok gípadné taniyémsin ka:la:mang

Do:mírtok karné takarém

Po:lo lolad yumédo kíman ní:daggom kíla:mang

 

Okumlo yabrung lígdaggom

Siyumsí:ro gayiném lígdag

Ara:dém kangkurpéké émna

 

Ngok okumdo:sin yabru: líktung

Nok okumdok líkkamí:démpé 

Sígge:míloi gínmur ésardé ansí:pé sara:dag

Línge:né do:nyi bí:sin soyardo yuba:dag

Gené sí:lu:dém ka:begyémíloi

Asinsé kinsuma:pé gemíndag

Nok namponé amír arídé

Okumso:pé yínga:dag

Nok arídém nampa:míloi

Kéra:so no du:némpé anpa:dag

Édílai no:sin ngok angkir arrém nampa:ma:nei?

 

Appíng okumdoi yabrung du:do

Ake okumdo bornyipé

Akedo borpi:-borngopé

Jonai (Ruwad Do:lung)