Ngadnédé Mé:bongko

Ngadnédé Mé:bongko

 

Tapan Lal

 

Édílai

Ngok asinsé

Pédong oma:pésin jula du:dag

Do:nyié ka:ma:pésin gula du:dag

Dé murné adído

Ngok asin mé:boé

Píkagla du:dag

Píkagla pinné a:né:é

Pédongé oyemílo lékoda a:népé idoku

Méngkaksu:l sanné asiné

Okopé idokun

No kindagnéi ?

Lukítoka !

Mé:bo atta:rém

Kene:pé matímíloi pa:dagnéiké

Émpige:l ! nok asindém pa:la:nam

Bédangkomín no lubisutoma:n

Kapila!

Turying mé:boé 

Taunam agotpé du:pagmílo

Éddíko angkéngé kidagji

No kinma: 

Amiglok mé:boém kangkinmanéno !

Turnané aré

Atta:rénéiké annyiongko

Ako no

Akondé ngo

Ngadnédé mé:bongko.