RU:NÉ NO OKOLO DU:N?

RU:NÉ NO OKOLO DU:N? 

 

Seniram Panggíng

 

Ru:né no okolo du:n

Mala:sin   mabegmang

Kanggo:la:sin  ka:begmang.

Ru:né no okolo du:n? 

Píang píkíram ka:bo

Yummang ma:nyingko ma:to

Kinsula ka:toném

Ka:pa:to nok dumsígdém.

Ansíp sarné ésardé

Ngom lupa:dung

Pía:la du:né Takarté

Ngom migyabdung. 

Gídung nom mala

Gítér kama:pé

Gíla gípí:la:toma

Gíténgí:do sía:dung

Émpige:la no dung

Ngok asin arangí:so

Okoloksin nom mapa:mang

Mago:namsé mamurdung. 

No ngok kéra:soi dung

No aya:ma:mílo 

Se:ko ngom aya:yén? 

Kabda kabdala

Miksé pínka:bo

Mé:da mé:dala

Asin  betka:bo

Ngok simango:dapé

Léko ngom ríksutei.